జె.వి.క్రిష్ణయ్యగారు రాసిన ‘‘హేతువాదం` వ్యక్తిగత అభివృద్ధికి, మరియు సామాజిక అభివృద్ధికి తోడ్పడుతుందా?’’ పుస్తకం ఆద్యంతం ఆసక్తిగా చదివిస్తుంది. గతంలో ఎవరూ చేయని ఈ కొత్త ప్రయత్నంలో హేతువాదం, మానవ వాదాలకు సంబంధించిన దాదాపు అన్ని విషయాలను స్పృశించారనటం అతిశయోక్తి కాదు. ఆయా విషయాలను తన జీవితంలోని ప్రధాన ఘట్టాలను ఆస్వాదించుకుంటూ చాలా నిజాయితీగా మన ముందుంచటం ఒక రకంగా సాహసమనే చెప్పాలి. వారి అనుభవాలుగాని, అనేక విషయాలపై వారు వెలిబుచ్చిన వివరాలు కానీ ఈనాటి యువతకు ఎంతో అవసరం. రాజ్యాంగ స్ఫూర్తికి భిన్నంగా మతాన్ని రాజకీయంతో కలిపి మన దేశ ఆత్మ అయిన ‘‘లౌకిక తత్వానికి’’ పెను ప్రమాదంగా మారిన నేటి పరిస్థితుల్లో నేటి యువత, విద్యార్థులు తప్పనిసరిగా చదివి తీరవలసిన పుస్తకమిది.